<META HTTP-EQUIV="Content-Type" CONTENT="text/html; charset=utf-8">
<h1>Clibeáil</h1>

<p>
Is éard is clib ann ná eochairfhocal (ábhartha) a bhfuil baint aige le blúire faisnéise (mar phictiúr, alt nó ghearrthóg físe) nó a shanntar leis an mblúire sin, sa chaoi go ndéanann sé cur síos ar an mhír sin agus gur féidir rangú bunaithe ar eochairfhocail a dhéanamh ar an fhaisnéis lena mbaineann sé.
</p>

<p>
Is é an t-údar nó cruthaitheoir na míre a roghnaíonn an chlib go neamhfhoirmiúil de gnáth agus ní hiondúil go roghnaítear í mar chuid de scéim fhoirmiúil arna sainiú chun rangú a dhéanamh. Is iondúil a úsáidtear clibeanna i gcórais rangaithe Idirlíon atá dinimiciúil agus solúbtha agus a ngintear go huathoibríoch iad. Úsáidtear iad i gcomhair acmhainní ar líne mar chomhaid ríomhaireachta, leathanaigh gréasáin, íomhánna digiteacha agus i gcomhair leabharmharcanna Idirlín (i seirbhísí leabharmharcála sóisialta agus sa ghlúin nua bhrabhsálaithe idirlín - féach Flock). Ar an ábhar sin comhcheanglaíonn daoine “clibeáil” le Web 2.0.
</p>

<p>
Is iondúil go mbíonn clib amháin nó níos mó ag baint le mír mar chuid de bhogearra rangaithe nó de chóras rangaithe.  Soláthróidh an bogearra naisc le míreanna a bhfuil clib an eochairfhocail sin leo, nó fiú le bailiúcháin sainithe chlibeanna.  Ciallaíonn sé seo gur féidir a lán cosán brabhsála a bheith ann idir na míreanna agus gur féidir le riarthóir an bhailiúcháin iad a athrú go tapa, gan stró ar bith agus gan mórán pleanála a dhéanamh. 
</p>

<a href="http://en.wikipedia.org/wiki/Tag_%28metadata%29">Ó Wikipedia</a>